Бауыржан Исламхан «Оқжетпеске» ауысуы мүмкін
Фото: КФФ
Қазір жарақатынан айығып жатқан 32 жастағы жартылай қорғаушы Бауыржан Исламхан Көкшетаудың «Оқжетпесімен» келіссөз жүргізіп жатыр, деп хабарлайды Pin-UpSport.kz.
Жамбыл футболының түлегі 2010 жылы «Тараздың» қосалқы құрамында ойнады. Бір жылдан кейін Премьер-лигада дебют жасап, кейіннен «Астана», «Қайрат», «Ордабасы» клубтарында доп тепті. Сондай-ақ Бауыржанның мансабында БАӘ мен Ресей клубтары да бар. Қазақстан чемпионатында жалпы 256 матч өткізіп, 60 гол соққан.
Биыл маусым басында ол «Ордабысыдан» кетіп, «Туранмен» келісімге келген болатын. Алайда жарақатына байланысты алаңға шыққан жоқ. Қазір Исламхан толық қалпына келу үстінде.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
