Исламхан «Қайсардың» қатарын толықтыруы мүмкін
Бауыржан Исламхан
Қазақстан құрамасы мен Түркістанның «Тұран» командасының жартылай қорғаушысы Бауыржан Исламхан жаңа клубтан ұсыныс алды, деп хабарлайды Pin-UpSport.kz.
Sport Ministri дерегінше, Қызылорданың «Қайсар» клубының президенті Талғат Әбдіғаппарұлы танымал футболшымен кездескенін әлеуметтік желідегі парақшасында жазған. Әңгіме барысында ол Исламханды өз командасынан көргісі келетінін білдірген.
Қазіргі таңда «Қайсар» құрамын қазақстандық футболшылармен күшейтуді көздеп отыр. Алайда Бауыржанның жарақаты әлі жазылған жоқ. Оның нақты қашан алаңға оралатыны әзірге белгісіз.
Еске салайық, 32 жастағы футболшы биыл ақпанда «Тұранға» қосылған еді. Бірақ жол апатынан кейінгі жарақатынан толық айықпағандықтан, жаңа командасы сапында әлі ресми матч өткізген жоқ. Бұған дейін ол «Қайрат», «Астана», «Ордабасы» және БАӘ-нің «Аль-Айн» клубтарында ойнаған.
