2029 жылғы клубтар арасындағы әлем чемпионатына қатысатын алғашқы төрт команда белгілі болды

2029 жылы өтетін клубтар арасындағы әлем чемпионатына қатысатын алғашқы төрт команда анықталды. Аталған турнир АҚШ-та өткен формат негізінде ұйымдастырылады, деп хабарлайды Pin-UpSport.kz.

32 команда бақ сынайтын бұл дода алдын ала болжам бойынша маусым-шілде айларына жоспарланып отыр. Қазірдің өзінде өз құрлығында топ жарған төрт клуб жолдама алып үлгерді: Еуропадан – «Пари Сен-Жермен» (Франция), Азиядан – «Аль-Ахли» (Сауд Арабиясы), Африкадан – «Пирамидз» (Мысыр), Солтүстік Америкадан – «Крус Асуль» (Мексика).

Турнирдің нақты қай елде өтетіні әлі белгісіз. Қатар басты үміткерлердің бірі саналады. Алайда ондағы ауа райының қолайсыздығы додаға кедергі келтіруі мүмкін. Сонымен қатар Испания, Португалия, Марокко, Бразилия, Аустралия және АҚШ та чемпионатты қабылдауға қызығушылық танытып отыр. Қай елде өтетіні жақын арада белгілі болады.