Алматыдағы реванш: «Қайрат» Чемпиондар лигасының келесі кезеңіне өтті
Фото: Getty Images
Алматыда өткен Чемпиондар лигасының алғашқы іріктеу кезеңінің жауапты матчында жергілікті «Қайрат» Словенияның «Олимпия» клубын 2:0 есебімен жеңіп, келесі кезеңге жолдама алды, деп хабарлайды Pin-UpSport.kz.
Ойынның небәрі 5-минутында Луиш Мата сол қанаттан асырған допты Жоржиньо баспен торға дәл бағыттап, есеп ашты. 31-минутта Жоржиньо нәтижелі пас шығарып, Александр Мрынский қақпашымен бетпе-бет шығып, есепті еселей түсті.
Екінші таймда қонақтар басымдыққа ұмтылғанымен, нақты сәттерді пайдалана алмады. Бас бапкер Рафаэль Уразбахтин Сатпаев, Мрынский және матчтың қаһарманы Жоржиньоны алаңнан алып, олардың орнына Зария, Станоев пен Рикардиньоны шығарды. Қосымша бес минут қосылса да, есеп өзгерген жоқ.
Екі матч қорытындысы бойынша «Қайрат» келесі кезеңге өтті. Енді олар Финляндияның КуПС және Молдованың «Милсами» клубтарының жеңімпазын күтеді.
