Месси қос голмен рекордты жаңартты
Фото: Maiami
АҚШ-тың МЛС чемпионаты аясында өткен ойында «Интер Майами» өз алаңында «Нэшвиллден» басым түсті — 2:1, деп хабарлайды Pin-UpSport.kz.
Форт-Лодердейл қаласындағы «DRV PNK Stadium» аренасында өткен матчтың басты батыры Лионель Месси болды. Аргентиналық жұлдыз екі гол соғып, командасына жеңіс сыйлады. Қонақтардың жалғыз голын Хани Мухтар соқты. Ал «Интер» сапынан Серхио Бускетс, Жорди Альба мен Луис Суарес те негізгі құрамда шықты, бірақ нәтижелі әрекетпен көзге түспеді.
Месси МЛС тарихында қатарынан бес матчта дубль авторы атанған алғашқы футболшы атанды. Бұған дейін ол осындай көрсеткішке төрт ойында қол жеткізіп, лига рекордын орнатқан еді.
Бұл жеңістен кейін «Интер Майами» 38 ұпаймен Шығыс конференциясында бесінші орынға орнықты. Ал үш матч артық өткізген «Нэшвилл» әзірге үшінші орында. Келесі турда Месси бастаған команда «Торонтомен» кездеседі.
