Ига Швентек Уимблдонда тарихи жеңіске қол жеткізді
Фото: Sky Sports
Польшаның бірінші, әлемнің төртінші ракеткасы Ига Швентек Уимблдон турнирінің әйелдер арасындағы жеңімпазы атанды. Финалда ол америкалық Аманда Анисимованы 6:0, 6:0 есебімен тас-талқан етіп ұтты, деп хабарлайды Pin-UpSport.kz.
Тек 57 минутқа созылған матчта Швентек екі эйс жасап, тоғыз брейк-пойнттың алтауын тиімді пайдаланды. Мұндай есеп Уимблдон финалында соңғы рет 1911 жылы тіркелген еді. Сол кезде Доротея Ламберт-Чамберс дәл осындай есеппен қарсыласын жеңген болатын.
Анисимова осы жарыстың алғашқы кезеңінде қазақстандық Юлия Путинцеваны дәл осындай есеппен жеңген еді. Алайда шешуші ойында өзі сол нәтижені басынан өткерді.
Ига Швентек «Үлкен дулыға» турнирлерінде алтыншы рет жеңіске жетіп отыр. Ол бұған дейін төрт мәрте «Ролан Гаррос», бір рет АҚШ ашық чемпионатын ұтқан. Енді тек Аустралия ашық біріншілігі ғана бағынбаған турнир болып тұр.
