ПСЖ «Реалды» жарыстан шығарып тастады
Фото: Getty Images
Париждік «ПСЖ» клубтық әлем чемпионатының жартылай финалында мадридтік «Реалды» 4:0 есебімен ойсырата жеңіп, финалға жолдама алды, деп хабарлайды Pin-UpSport.kz.
Бұл ойында Хаби Алонсо шабуыл шебіне Мбаппе мен Винисиус Жуниорды қатар шығарды. Алайда бұл шешім нәтиже бермеді. Матч басталған бетте «Реал» екі гол жіберіп алып, қателіктерден көз ашпады. Қақпашы Куртуа мен қорғаушылар бірнеше рет сәтсіздікке ұшырап, Дембеле өз мүмкіндігін шебер пайдаланды. Бірінші таймда «ПСЖ» допқа толық иелік етіп, шабуыл үстемдігін жүргізді.
Үзілістен кейін де мадридтіктерде жағдай жақсармады. Ойын тізгінін берік ұстаған француздар қарсыласқа бірде-бір нақты соққы жасауға мүмкіндік бермеді. Есесіне Рамуш қорытынды голды салып, есепті 4:0-ге жеткізді. Енді «ПСЖ» финалда «Челсимен» кездеседі. Ал «Реал» үшін бұл турнир осы жерден аяқталды.
