Путинцева Уимблдонның алғашқы кезеңінен аса алмады
Қазақстандық теннисші Юлия Путинцева (WTA рейтингінде 33-орын) Уимблдон турнирінің бірінші айналымында ойсырай жеңілді. Ол америкалық Аманда Анисимовадан (12-орын) 0:6, 0:6 есебімен ұтылды, деп хабарлайды Pin-UpSport.kz.
Жеңіліске қарамастан, Путинцева жарыстың алғашқы кезеңіне қатысқаны үшін 77 220 еуро мен 10 рейтингтік ұпай алады. Биыл Уимблдонның жалпы жүлде қоры 22,7 миллион еуроны құрайды, ал әйелдер арасындағы жеңімпаз 3,51 миллион еуро және 2000 ұпай алады.
Айта кетейік, қазіргі чемпион — чехиялық Барбора Крейчикова. Ол өткен жылы финалда италиялық Жасмин Паолиниді 6:2, 2:6, 6:4 есебімен жеңіп, күтпеген жерден топ жарған болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
