«Шахтёрдің» тізгінін уақытша Кузнецов ұстады
Фото: ФК Шахтер
Қарағандылық «Шахтёрдің» бас бапкері міндетін уақытша Александр Кузнецов атқаратын болды, деп хабарлайды Pin-Upsport.kz.
Бұл шешім Андрей Финонченконың отбасылық себептермен уақытша қызметінен кетуіне байланысты қабылданған.
«UEFA Pro» санатындағы лицензиясы бар Кузнецов — қазақстандық футболда тәжірибелі маман. Ол жастар және жасөспірімдер құрамаларын ұзақ жылдар бойы жаттықтырып, 100-ден аса халықаралық кездесуде бапкерлік еткен. Биыл сәуірде ол «Шахтёр» футбол орталығының жетекшілігіне тағайындалған еді.
Қазіргі міндет — команданың нәтижесін сақтау, клубтың бірыңғай философиясын жалғастыру және академия мен негізгі құрам арасындағы байланысты нығайту.
Айта кетейік, «Шахтёр» — Қазақстан чемпионы атағын екі рет (2011, 2012) жеңіп алған, сондай-ақ ел Кубогы (2013) мен Суперкубогының (2013) иегері.
