Алиев бірнеше ойыншының не себепті құрамаға шақырылмағанын түсіндірді
Фото: kff.kz
Қазақстан құрамасының бас бапкері Али Алиев маусым айындағы ойындарға шақырылған футболшылар тізіміне қатысты түсініктеме берді. Оның айтуынша, Бақтиер Зайнутдинов жарақат алып қалған. Соған қарамастан, ол 30 мамырда құрама базасына келіп, командаластарына қолдау білдіреді.
Абат Аймбетов отбасы жағдайына байланысты құрамадан босатылған. Улар Жақсыбаев соңғы кездері клубында тірек аймақта ойнап жүр, ал бапкерлер штабы сол жақ қорғаушы ретінде Асранқұловқа сенім білдірді. Дамир Марат, Дінмұхамед Қараман, Мұроджон Султаниязов, Рамазан Оразов пен Айбол Әбікен де бұл жолы тізімге ілікпеді. Дегенмен, барлығы кеңейтілген тізімде қалып отыр.
Осылайша, негізгі құрамға 27 ойыншы енді: 4 қақпашы мен 23 алаң ойыншысы. Алиев ойыншылардың тәжірибесі, физикалық дайындығы және позициядағы тұрақтылығы ескерілгенін атап өтті.
Айбар Рысдаулет
Джепкемей Азия чемпионатында Қазақстанға алғашқы алтынды алды
Еуропаның ең қымбат клубтары анықталды: АПЛ үстемдік құрып тұр