Ислам Чесноков Шотландия чемпионатына ауысады
«Тоболдың» шабуылшысы Ислам Чесноков шотландиялық «Хартс» клубымен келісімге келді. Бұл ақпаратты «Ғасыр футболы» Telegram-арнасы таратты.
Футболшы мен клуб келісімшарттың барлық шартын мақұлдаған. Чесноков жаңа командасына 1 шілде күні қосылады. «Хартс» — Эдинбург қаласынан шыққан кәсіби клуб. Команда төрт рет Шотландия чемпионы атанып, сегіз мәрте ел кубогын жеңіп алған. 2024/25 маусымында «Хартс» чемпионатты жетінші орында аяқтап, кубоктың жартылай финалына дейін жетті.
Чесноков биылғы Қазақстан Премьер-лигасында сегіз ойын өткізіп, екі гол соғып, бір нәтижелі пас берген.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
