Нұралы Әліп: «Былтырғы жағдай есіме түсіп, уайымдап қалдым»
Нуралы Алип. Фото: NurPhoto via Getty Images
«Зениттің» қорғаушысы Нұралы Әліп Махачқалада өткен «Динамомен» болған 1:0 есебіндегі жеңіс туралы пікір білдірді. Ол бұл кездесудің маңыздылығын айтып, чемпиондық үшін талас әлі жалғасып жатқанын жеткізді.
«Бұл өте маңызды жеңіс болды. “Динамоның” өз алаңында жақсы ойнайтынын білдік – жақында ғана “Краснодармен” өткен ойынынан-ақ байқадық. Үш ұпай алғанымызға қуаныштымын. Біз әлі де чемпиондық үшін жарыстамыз», – деді футболшы.
Нұралы ойын соңында өткен жылғы сәтсіздікті еске алғанын жасырмады. «Былтыр Воронеждегі «Факелмен» ойында алаңға шыққанмын. Сол кезде де 1:0 есебімен алда едік. Бірақ доп қолыма тиіп, қарсылас пенальтиден есепті теңестірген еді. Бүгін де дәл сондай жағдай бола ма деп уайымдадым. Абырой болғанда, бәрі жақсы аяқталды», – деді ол.
«Қолды қатты жасырып жүрдіңіз бе?» деген сұраққа: «Ондай болмады – доп маған жеткен жоқ қой», – деп жымиып жауап берді.
Айбар Рысдаулет
Монреаль турнирінің сыйақысы белгілі болды: Алмахан жеңісі үшін қанша алды?
Grand Slam турнирі жаңа алаңға ауысты