«Бешикташ» президенттігіне үміткер Зайнутдиновтың трансферін сынады
Фото: UEFA via Getty Images
Қазақстан құрамасының жартылай қорғаушысы Бахтиер Зайнутдинов «Бешикташ» клубының президенттігіне үміткер Гюркан Аксойдың сынына ұшырады. Стамбұлдық клубтың болашақ басшысы ойыншының қаңтар айынан бері алаңға шықпай жүрген жарақатына пікір білдірді.
«Зайнутдинов жүгіріс кезінде жарақат алды. 35 жастағы Иммобилеге алты миллион еуро төленді. «Бешикташтың» өз трансферлік саясаты болуы керек. 30 жастан асқан ойыншыларға ақша төлеудің қажеті жоқ», – деді Аксой.
Бахтиер «Бешикташ» сапында 2023 жылдан бері ойнап келеді. Биылғы Түркия чемпионатында ол жарақаттар мен бапкерлік шешімдерге байланысты небәрі тоғыз матч өткізіп, нәтижелі әрекеттермен көзге түспеді. Қазір клуб 31 ойында 52 ұпай жинап, турнир кестесінде төртінші орында тұр.
