Карло Анчелотти Бразилия құрамасының бас бапкері болуға жақын
Карло Анчелотти. Фото: Getty Images
Бразилия футбол федерациясы (CBF) Карло Анчелоттимен келіссөздерді аяқтау сатысына жақындады. Журналист Сесар Луис Мерлоның мәліметінше, италиялық маманға ресми ұсыныс жасалған. Егер келісімге келсе, Анчелотти ұлттық құрамалар арасында ең жоғары жалақы алатын бапкер болмақ.
CBF Анчелоттимен 2030 жылғы әлем чемпионатына дейін келісімшарт жасауды жоспарлап отыр. Дегенмен, келісімнің соңғы шарттарын италиялық бапкердің өзі шешетін болады. Жылдық жалақысы 11 миллион еуро болуы мүмкін екені хабарланды.
Сонымен қатар, Анчелотти кеткен жағдайда «Реалдың» Клубтық әлем чемпионатында кіммен өнер көрсететіні жайлы ақпараттар тарауда. Еске сала кетейік, Карло Анчелотти «Реалды» 2021 жылдан бері жаттықтырып келеді және бұған дейін «Милан», «Челси», «ПСЖ», «Бавария», «Наполи» мен «Эвертон» секілді командаларда жұмыс істеген.
Айбар Рысдаулет
Қазақстан маунтинбайкерлері Азия чемпионатынан екі күміс жүлде еншіледі
Қазақстан көркем гимнастикадан әлем кубогында қола жүлдеге қол жеткізді