Стас Покатиловтың командасы Әзербайжан кубогының финалына жолдама алды
Стас Покатилов. Фото: Getty Images
Қазақстан құрамасының қақпашысы Стас Покатилов ойнайтын «Сабах» Әзербайжан кубогының жартылай финалы аясында «Нефтчиге» қарсы қарымта матч өткізіп, 1:1 есебімен тең түсті. Ойын Масазыр қаласында өтті.
Кездесудің 24-минутында Джесси Секидики есеп ашқан, алайда 40-минутта Эмин Махмудов таразы басын теңестірді. Покатилов матчты негізгі құрамда бастап, толық ойнап шықты.
Бұған дейінгі бірінші ойын 2:1 есебімен «Сабахтың» пайдасына шешілген еді. Екі ойынның қорытындысы бойынша (2:1, 1:1) «Сабах» финалға жолдама алды.
Енді 1 маусым күні команда финалда қазіргі кубок иегері «Қарабақпен» кездеседі.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
