Ислам Чесноков Шотландияға бет алды
Ислам Чесноков. Фото: ФК Тобол
Қазақстандық жартылай қорғаушы Ислам Чесноков Шотландия чемпионатындағы «Хартс» клубына ауысуға жақын. Бұл туралы Edinburgh News басылымы хабарлады. 25 жастағы футболшы «Тоболдағы» келісімшарты аяқталған соң Эдинбург клубының жейдесін киеді.
Футболшымен келіссөздер қыста басталған еді, бірақ ол кезде трансфер жүзеге аспаған. Енді екі тарап келісімге келіп, құжат рәсімдеу жұмыстары бір ай ішінде аяқталмақ. «Хартс» Чесноковқа ұзақмерзімді келісімшарт пен негізгі құрамнан орын ұсынды.
Соңғы екі маусымда Ислам «Тобол» сапында 20 гол соғып, 11 нәтижелі пас берген. Сонымен қатар, ол Қазақстан құрамасы сапында 13 матч өткізген. Оған Венгрияның «Кишварда» мен Түркияның «Касымпаша» клубтары да қызығушылық танытқан.
Айта кетейік, «Хартс» бұған дейін Норвегияның «Валеренга» клубынан Кристиан Борхгревинкті де қатарға қосқан. Осылайша, Чесноков пен Борхгревинктің келуі клубтың оң қанатын айтарлықтай күшейтпек.
Айбар Рысдаулет
Садриддин Ахмедов мансабында алғаш рет жеңіске жете алмады
Жібек Құламбаева Мадридте өткен W100 турнирінің жұптық финалында топ жарды