Бақтиер Зайнутдинов жақында қатарға қосылады
Бактиер Зайнутдинов. Фото: Getty Images
«Бешікташ» сапында өнер көрсететін қазақстандық жартылай қорғаушы Бақтиер Зайнутдинов жарақатынан кейін жаттығуға оралуға жақын. Бұл туралы Turkiye Gazetesi басылымы хабарлады.
26 жастағы футболшы бірнеше апта бойы жарақатына байланысты жасыл алаңнан тыс қалып келді. Дегенмен, дереккөз мәліметінше, алдағы күндері Бақтиер толыққанды жаттығу жұмыстарына қайта қосылады.
Соған қарамастан, Зайнутдинов 12 сәуір күні өтетін Түркия Суперлигасының 31-турындағы «Башакшехирге» қарсы ойында командасына көмектесе алмайды. Себебі ол бұл матчқа дейін бабына толық келе қоймауы мүмкін.
Биылғы маусымда Бақтиер клуб сапында 12 матч өткізіп, бір нәтижелі паспен көзге түсті. Ол «Бешікташпен» 2027 жылдың жазына дейін келісімшартқа қол қойған.
