Зайнутдиновпен қош айтыса ма? «Бешикташтағы» үлкен тазалық жақындап қалды
Бактиер Зайнутдинов. Фото: Anadolu via Getty Images
«Бешикташтың» бас бапкері Уле-Гуннар Сульшер жазда құрамды түбегейлі өзгертпекші. Түрік басылымдарының хабарлауынша, норвегиялық маман сенімін ақтамаған 10 ойыншының тізімін жасап қойған. Ол футболшылармен 2025 жылдың жазында қоштасуды жоспарлап отыр.
Бұл тізімге Қазақстан құрамасының жартылай қорғаушысы Бақтиер Зайнутдинов те кіріп кеткен. Сонымен қатар, Эрсин Дестаноғлу, Онур Булут, Йонас Свенссон, Алекс Окслейд-Чемберлен, Амир Хаджиахметович, Салих Учан, Семих Кылычсой, Мустафа Хекимоғлу мен Чиро Иммобиле секілді танымал ойыншылар да бар.
Клуб өкілдері әрқайсысымен жеке сөйлесіп, шешім қабылдайды. Біреулер сатылуы мүмкін, біреулермен келісімшарт мерзімінен бұрын бұзылады.
27 жастағы Зайнутдинов «Бешикташқа» 2023 жылы жазда 3,5 миллион еуроға ЦСКА-дан ауысып келген. Екі маусымда 49 матч өткізіп, бір гол соғып, бір нәтижелі пас берген. Бірақ соңғы уақытта жиі негізгі құрамнан тыс қалып, кей маңызды кездесулердің өтініміне де кірмей жүр.
