Футболдан Қазақстан мен Өзбекстан құрамалары жолдастық матч өткізеді
Казахстан — Узбекистан
Қазақстан ұлттық құрамасы биылғы күзде өзіне етене таныс әрі бәсекелес саналатын Өзбекстан құрамасымен жолдастық матч өткізуі ықтимал. Бұл туралы Vesti.kz хабарлады. ҚФФ тарапынан келіссөздер сәтті өтіп жатыр.
Ойын қараша айындағы ФИФА күнтізбесіне сай ұйымдастырылуы мүмкін. 15 қарашада Қазақстан құрамасы 2026 жылғы әлем чемпионатының іріктеуіндегі соңғы кездесуін Бельгияға қарсы өткізеді. Осыдан кейін бір күн бос болады, дәл сол күні Өзбекстанмен ойын өтуі мүмкін.
Бұл екі құрама соңғы рет 2022 жылдың 16 қарашасында Ташкентте кездескен. Сол ойында өзбекстандықтар 2:0 есебімен жеңіске жеткен еді.
Айта кетейік, Өзбекстан құрамасы тарихта алғаш рет әлем чемпионатының финалдық кезеңіне шығуға өте жақын. Қазір олар 17 ұпаймен екінші орында тұр. Қалған екі ойында олар алдымен сырт алаңда БАӘ-мен (5 маусым), сосын өз алаңында Катармен (10 маусым) кездеседі.
