Александр Марочкин ұлттық құрамамен қоштасты: 50-матчта салған алғашқы гол
Александр Марочкин
«Астана» мен Қазақстан құрамасының қорғаушысы Александр Марочкин Лихтенштейнге қарсы өткен матчтан кейін (2:0) ұлттық құрамадағы мансабын аяқтайтынын мәлімдеді. Бұл туралы ҚФФ баспасөз қызметі хабарлады.
Оның айтуынша, кездесудің алғашқы бөлігінде қобалжу болды — командаға қалай да болса жеңіс қажет еді, сол себепті асығыстық байқалып, қателіктерге жол берілген. Бірақ бірінші, сосын екінші голдан кейін ойын тізгінін толық өз қолдарына алған.
Бұл матчта Марочкин құрамасы сапындағы алғашқы голын соқты. Ол Самородовпен бұл сәтті алдын ала келісіп алғанын, сол пасқа жүгіріп барып, аяқпен ұруды жөн көргенін айтты. Бұл ойын Марочкин үшін 50-ші және соңғы кездесу болды.
Ол енді жас ойыншыларға — Қасым, Әділет және басқаларға жол беру керек деп есептейді. «Пост қабылдадым — пост тапсырдым» деген сөзді келтіріп, құрамадағы жылдарын үлкен мақтанышпен еске алды.
Айбар Рысдаулет
Қазақстан мен Беларусь құрамалары Минскіде жолдастық матч өткізеді
«Атырау» клубының жаңа бас менеджері тағайындалды