«Хоффенхайм» түлегі Қазақстан құрамасына қосылуға дайын екенін айтты
Филипп Окс
Австрияның «Ферст» клубында ойнайтын жартылай қорғаушы Филипп Окс Қазақстан құрамасында ойнағысы келетінін мәлімдеді. Бұл туралы Meta-ratings.kz жазды. Оның айтуынша, Қазақстанмен байланыстыратын терең отбасылық тамыры бар.
«Қазақстан – ата-анамның туған жері. Бұл құрама үшін ойнау мен үшін мәртебе болар еді. Отбасым да қолдайды. Қазақстан құрамасының ойындарын, ел чемпионатын қарап жүремін. Қызықты. Егер мүмкіндік берілсе, оны пайдалануға дайынмын», – деді футболшы.
Филипп Окс Германияның Вертхайм қаласында дүниеге келген. Бірақ түп-тамыры Солтүстік Қазақстандағы Розовка ауылына барып тіреледі. Ол «Хоффенхайм» жүйесінің түлегі. Бұған дейін «Ганновер» мен «Зандхаузен» сапында да доп тепкен.
Орталық жартылай қорғаушы болғанымен, Филипп сол қапталда қорғаныс шебінде де ойнай алады. Жас кезінде Германия жастар құрамасында өнер көрсеткен.
Айбар Рысдаулет
Самородов маусым соңында «Ахматтан» кетуі мүмкін екенін жасырмады
Антальядағы әлем кубогында қазақ гимнасттары қос жүлде жеңіп алды