Шыңғыс Есенаманов: «Қателіктеріміз қымбатқа түсті»
Чингиз Есенаманов
Қазақстан футзал құрамасының капитаны Шыңғыс Есенаманов Арменияға қарсы өткен (2:4) іріктеу матчы жайлы пікір білдірді.
«Өз ойынымызды көрсете алмадық. Бапкерлер барлығын түсіндірді, алайда алаңға шығып, қарапайым қателіктерге жол бердік. Ал қарсылас мұны кешірмеді. Матч алдында тактикалық тұрғыда жіті талдаған Никита Хромых бізге үш гол соқты. Бұған дейін де Армениямен өткен алғашқы ойында, Данияға қарсы кездесуде қателіктерге бой алдырдық. Соның салдарынан шешуші матчта осындай жағдайға тап болдық», – деді ол.
Футзалшының айтуынша, командадағы көңіл-күй ауыр.
«Ешкім сөйлескісі келмейді. Маған капитан ретінде пікір білдіруге тура келді. Армения құрамы өте мықты болды, олар өз жолдамасына лайық. Өзімнің алғашқы Еуроға жолдама алған сәтімді еске түсірдім – керемет сезім. Ал бізде плей-оффқа шығу мүмкіндігі өте аз, барлығы басқа топтардағы нәтижелерге байланысты», – деді ойыншы.
Сондай-ақ ол кейбір тәжірибелі ойыншылар үшін бұл соңғы Еуропа чемпионаты болуы мүмкін екенін айтты.
«Турнирде ойнап, сол жерде мансабымызды аяқтағымыз келген. Бірақ енді тек күту ғана қалды», – деп қорытындылады Есенаманов.
Айбар Рысдаулет
Руслан Мадиев АҚШ-қа аттануға дайын
Жәнібек Әлімханұлы: «Канело үшін қиын күн болар еді»