«Қайрат» екі ойында 13 гол соғып, УЕФА Жастар лигасының келесі кезеңіне өтті
Алматылық «Қайраттың» жасөспірімдер командасы Черногорияның «Младость Донья-Горица» клубын ірі есеппен жеңіп, УЕФА Жастар лигасының 2026/2027 жылғы маусымындағы келесі кезеңге жолдама алды, деп хабарлайды Pin-UpSport.kz.
Ел чемпиондары жолындағы қарымта кездесу Алматыда өтіп, алаң иелерінің 8:1 есебімен жеңісімен аяқталды. «Қайрат» матч басынан шабуылға белсенді кірісіп, есепті бесінші минутта ашты. Төре Исмағұловтың дәл соққысынан кейін алматылықтар алға шықты. 28-минутта Дәулет Орынбасар пенальтиден есепті еселесе, Артур Трубин бірінші таймның соңына дейін тағы екі гол соғып, дубль жасады.
Үзілістен кейін де қазақстандық команда шабуылын тоқтатпады. 70-минутта Петар Пантич Черногория клубының жалғыз голын соқты. Алайда бұл «Қайраттың» қарқынына әсер еткен жоқ. 76-минутта Данияр Ташпұлатов мергендік танытса, үш минуттан кейін Абылай Төлеухан есеп айырмасын ұлғайтты. 88-минутта Нұржан Еркін тағы бір пенальтиді дәл орындап, ал қосымша уақытта Абылай Жылқайдар матчтағы соңғы голды соқты.
Командалар арасындағы алғашқы ойын 15 қыркүйекте Подгорицадағы DG Arena стадионында өтіп, «Қайраттың» 5:0 есебіндегі жеңісімен аяқталған еді. Екі кездесудің қорытындысы бойынша алматылықтар 13:1 есебімен басым түсіп, келесі кезеңге сенімді түрде өтті. Қазақстандық клубтың келесі қарсыласы Венгрияның МТК командасы болады.
