Анна Данилина жұптық сындағы WTA рейтингінде жетінші орынға түсті
Анна Данилина. Фото: Olympic.kz
Әйелдер теннисі қауымдастығы (WTA) жұптық сындағы теннисшілердің жаңартылған рейтингін жариялады. Қазақстанның үздік өкілі Анна Данилина бір саты төмендеп, жетінші орынға жайғасты, деп хабарлайды Pin-UpSport.kz.
Рейтингтің үздік үштігінде өзгеріс жоқ. Чехиялық Катерина Синякова көш бастап тұр. Екінші орында америкалық Тейлор Таунсенд болса, үшінші сатыда бразилиялық Луиза Стефани орналасқан. Канадалық Габриэла Дабровски төртінші орынға көтерілді, ал қытайлық Чжан Шуай бесінші орында қалды.
Қазақстандық тағы бір теннисші Жібек Құламбаева рейтингтегі орнын жақсартып, 108-орыннан 101-сатыға көтерілді.
Еске салайық, Бейжіңдегі турнирдің жұптық сынының финалында Габриэла Дабровски мен Луиза Стефани Катерина Синякова және Чжан Шуайды екі сетте жеңді – 6:1, 6:2.
