Тимофей Скатов Шанхайдағы ATP-1000 турнирінің негізгі кезеңіне өте алмады
Қазақстандық теннисші Тимофей Скатов Шанхайда өтіп жатқан ATP-1000 санатындағы турнирдің негізгі кезеңіне өте алмады. Ол іріктеу кезеңінің финалында Австралия өкілі Бернард Томичтен 5:7, 4:6 есебімен жеңілді, деп хабарлайды Pin-UpSport.kz.
Кездесу 1 сағат 23 минутқа созылды. Скатов алты эйс жасап, екі рет қосарланған қателік жіберді және өз добын екі рет бере салды. Сонымен қатар қазақстандық теннисші бірде-бір брейк жасай алмады.
Шанхайдағы турнир хард төсенішінде 5-18 қазан аралығында өтеді. Скатов бұған дейін іріктеудің бірінші кезеңінде грек Стефанос Сакелларидисті 6:3, 6:2 есебімен жеңген еді.
ATP-1000 санатындағы жарыстың жүлде қоры 9,4 миллион доллардан асады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
