Иван Башич Босния және Герцеговина құрамасына жеңіс әкелді
«Астана» жартылай қорғаушысы Иван Башич УЕФА Ұлттар лигасының төртінші турында Босния және Герцеговина құрамасының Польшаға қарсы өз алаңындағы матчында жеңіс голын соғып, командасына 1:0 есебімен жеңіс әкелді, деп хабарлайды Pin-UpSport.kz.
Башич матчты негізгі құрамда бастап, алаңда толық 90 минут өткізді. 84-минутта VAR қаралғаннан кейін төреші Польша қақпасына пенальти белгіледі. Қазақстандық клубтың футболшысы он бір метрлік айып добын сенімді орындап, ұлттық құрама сапындағы алғашқы голын соқты.
FlashScore мәліметінше, Башичке 7,9 деген баға беріліп, ол матчтың үздік ойыншысы атанды. Жартылай қорғаушы «Астана» сапында барлық турнирде 36 матч өткізіп, алты гол соққан және алты нәтижелі пас берген.
Төрт турдан кейін Босния және Герцеговина құрамасы 8 ұпай жинап, B4 тобында екінші орында келеді. 10 ұпайы бар Швеция көш бастап тұр. Польша 4 ұпаймен үшінші орында болса, Румыния әзірге ұпай жинаған жоқ. 14 қарашада өтетін келесі турда Босния және Герцеговина сырт алаңда Швециямен кездеседі.
