Мак Аллистер «Алтын допты» Лионель Месси алғанын қалайтынын айтты
Англияның «Ливерпуль» клубының жартылай қорғаушысы Алексис Мак Аллистер 2026 жылғы «Алтын доп» жүлдесін кім алуға лайық екені туралы пікір білдірді, деп хабарлайды Pin-UpSport.kz.
Аргентиналық футболшының айтуынша, бұл марапат оның отандасы, қазіргі таңда америкалық «Интер Майами» клубында ойнайтын Лионель Мессиге берілуі керек. Мак Аллистер Мессидің әлем чемпионатындағы ойынына жоғары баға беріп, қазіргі футболда жеке марапаттарды анықтауда статистиканың маңызды рөл атқаратынын атап өтті.
«Әрине, аргентиналықтар ретінде Мессидің «Алтын допты» жеңіп алғанын қалар едік. Ол әлем чемпионатында керемет ойын көрсетті және оның бұл марапатты алмауына себеп көріп тұрған жоқпын. Қазір статистика маңызды рөл атқарады. Бұрын оның маңызы дәл қазіргідей болған жоқ, сонымен қатар дауыс беретін адамдардың нақты неге мән беретінін де білмейсіз», – деді Мак Аллистер.
Месси 2026 жылғы «Алтын допқа» үміткер 30 футболшының қатарына енді. Жеңімпазды ФИФА рейтингіндегі үздік 100 ұлттық құраманың әрқайсысынан бір журналисттен құралған халықаралық қазылар алқасы анықтайды. Марапаттау рәсімі 26 қазанда Лондонда өтеді. Месси «Алтын допты» сегіз рет жеңіп алған және бұл көрсеткіш бойынша әлемдік рекордқа ие.
