Дастан Сәтпаевтың «Ювентусқа» қарсы матчтағы бағасы белгілі болды
Flashscore статистикалық платформасы «Челси» мен «Ювентус» арасындағы жолдастық кездесуге қатысқан барлық футболшылардың ойынына баға берді, деп хабарлайды Pin-UpSport.kz.
Гонконгте өткен матч туриндік клубтың 1:0 есебіндегі жеңісімен аяқталды. Кездесудегі жалғыз голды 68-минутта Эдон Жегрова соғып, Flashscore нұсқасы бойынша 7,8 ұпаймен матчтың үздік ойыншысы атанды.
Қазақстан құрамасының шабуылшысы Дастан Сәтпаев 65-минутта Джейми Гиттенстің орнына алаңға шықты. 17 жастағы форвард көрсеткен ойыны үшін Flashscore сарапшыларынан 6,5 ұпай алды.
Бұл Сәтпаев үшін «Челсидің» маусым алдындағы дайындығындағы үшінші матч болды. Бұған дейін ол «Уэстерн Сидней Уондерерске» қарсы кездесуде лондондық клуб сапындағы алғашқы голын соғып, сондай-ақ «Тоттенхэмге» қарсы жолдастық матчқа қатысқан еді.
