«Ювентус» Джошуа Зиркзеені жалға алуға жақын
Туриннің «Ювентус» клубы «Манчестер Юнайтедтің» шабуылшысы Джошуа Зиркзеені жалға алу бойынша келіссөздерді жалғастырып жатыр, деп хабарлайды Pin-UpSport.kz.
The Sun басылымының мәліметінше, италиялық клуб нидерландтық футболшыны кейін 40 миллион еуроға сатып алу мүмкіндігімен жалға алуды жоспарлап отыр. Сондай-ақ ойыншының өкілдері «Ювентустың» ұсынысына оң көзқарас танытып, тараптар жеке келісімшарттың талаптарын келісіп қойғаны айтылды.
Зиркзее «Ювентустың» басты трансферлік нысанасына «ПСЖ»-мен Рандаль Коло Муанидің ауысуы бойынша келіссөздер нәтиже бермегеннен кейін айналды. Қазіргі уақытта клубтың спорт директоры Фредерик Массара трансферді аяқтау бағытында жұмыс жүргізіп жатыр.
Зиркзее 2024 жылдың жазында «Манчестер Юнайтедке» ауысқанға дейін «Болонья» сапында ойнап, А Сериясының үздік жас ойыншысы атанған болатын. Ол ағылшын клубы құрамында барлық турнирде 75 матч өткізіп, тоғыз гол соғып, төрт нәтижелі пас берді.
