Дастан Сәтбаевтың «Челсидегі» дебюттік голы әлеуметтік желіде қызу талқыланды
Қазақстан құрамасының шабуылшысы Дастан Сәтбаев «Челсидің» негізгі командасындағы жарқын дебютінен кейін жанкүйерлердің ерекше назарына ілікті, деп хабарлайды Pin-UpSport.kz.
17 жастағы футболшы лондондық клубтың негізгі құрамында аустралиялық «Вестерн Сидней Уондерерске» қарсы жолдастық матчты бастап, жетінші минутта алғашқы голын соғып, есеп ашты. Бұл оның «Челсидің» негізгі командасындағы алғашқы нәтижелі әрекеті болды.
Сәтбаевтың дебюттік голының видеосы «Челсидің» әлеуметтік желілердегі ресми парақшаларында жарияланып, аз уақыт ішінде клубтың ең көп талқыланған жазбаларының біріне айналды. Бейнеролик шамамен 633 мың лайк жинап, 201 мыңнан астам пікірге ие болды.
Жазба астында ең белсенді пікір қалдырып жатқан жанкүйерлер – қазақстандықтар. Олар жас шабуылшыны сәтті дебютімен құттықтап жатыр. Пікірталасқа танымал қазақстандық актер әрі продюсер Нұрлан Қоянбаев та қосылып, ел жанкүйерлерін Сәтбаевты әлеуметтік желіде белсенді қолдауға шақырды.
