Қазақстандық теннисші Өзбекстандағы халықаралық турнирде алтын жеңіп алды
Қазақстан құрамасының өкілі Жәния Бекмұхамбетова Ташкентте (Өзбекстан) өтіп жатқан WTT Youth Contender халықаралық турнирінің жеңімпазы атанды, деп хабарлайды Pin-UpSport.kz.
Қазақстандық спортшы 13 жасқа дейінгі қыздар арасындағы жарыста алтын медаль жеңіп алды. Финалда ол үндістандық Шреошри Чакрабортиді 3:1 есебімен жеңіп, турнир чемпионы атанды.
Қазіргі таңда Жәния ересектер арасындағы WTT әлемдік рейтингінде 808-орында тұр. Ал 13 жасқа дейінгі қыздар рейтингінде әлемнің үздік ондығына еніп, сегізінші сатыда орналасқан.
Турнирде Қазақстан атынан Назерке Болатбек те өнер көрсетті. Ол 13 жасқа дейінгі қыздар арасындағы жарыста ширек финалға дейін жетті. WTT Youth Contender Tashkent II турнирі 19–22 шілде аралығында Ташкент қаласында өтуде.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
