The Athletic ӘЧ-2026 топтық кезеңінің үздік бес футболшысын атады
The Athletic басылымы ӘЧ-2026 топтық кезеңінің үздік ойыншыларының рейтингін жариялады, деп хабарлайды Pin-UpSport.kz. Тізімнің көшін Аргентина құрамасының капитаны Лионель Месси бастады. Ал үздік бестікке Франция құрамасының үш футболшысы мен Бразилия құрамасының бір ойыншысы енді.
Рейтингте екінші орынға Франция шабуылшысы Килиан Мбаппе жайғасты. Үшінші орын Бразилия құрамасының шабуылшысы Винисиус Жуниорға бұйырды. Төртінші және бесінші орындарды Франция құрамасының тағы екі ойыншысы — Усман Дембеле мен Майкл Олисе иеленді. Осылайша, топтық кезеңнің үздік ойыншылары қатарында ең көп өкіл көрсеткен құрама Франция болды.
Лионель Месси топтық кезеңдегі үш матчта алты гол соғып, турнир мергендерінің көшін бастап тұр. Одан кейін Килиан Мбаппе, Усман Дембеле, Винисиус Жуниор және Эрлинг Холанд төрт голдан соғып келеді. Сонымен қатар, аргентиналық шабуылшы әлем чемпионаттарындағы голдарының санын 19-ға жеткізіп, Мирослав Клозенің рекордын жаңартты. Бұған қоса, ол әлем чемпионаттарында қатарынан жеті матчта гол соққан алғашқы футболшы атанды.
ӘЧ-2026 турнирінің топтық кезеңі аяқталып, командалар плей-офф кезеңіндегі бәсекені бастады. АҚШ, Канада және Мексикада өтіп жатқан әлем біріншілігі 19 шілдеде мәресіне жетеді.
