Месси әлем чемпионатындағы тағы бір тарихи рекордтың авторы атанды
Аргентина құрамасының капитаны Лионель Месси ӘЧ-2026 турнирінде тағы бір тарихи жетістікке қол жеткізді, деп хабарлайды Pin-UpSport.kz.
Ол топтық кезеңнің үшінші турында Иордания қақпасына гол соғып, әлем чемпионаттары тарихында 13 түрлі ұлттық құрамаға гол соққан алғашқы футболшы атанды. Кездесу Аргентинаның 3:1 есебіндегі жеңісімен аяқталды.
Аргентина құрамасының бас бапкері Лионель Скалони топтық кезеңнің соңғы матчында құрамды жаңартып, 39 жастағы капитанды қосалқы құрамда қалдырды. Месси екінші таймда алаңға шығып, 80-минутта айып добын дәл орындап, допты қақпаның төменгі бұрышына тоғытты. Оған дейін Аргентина сапында Джованни Ло Чельсо мен Лаутаро Мартинес мергендік танытса, Иорданияның жалғыз голын Муса Әл-Тамари соқты.
Stats Foot статистикалық қызметінің мәліметінше, бұл голдан кейін Лионель Месси әлем чемпионаттарында 13 түрлі құраманың қақпасын дәл көздеген алғашқы ойыншы болды. Бұған дейін ол Сербия және Черногория, Босния және Герцеговина, Иран, Нигерия, Сауд Арабиясы, Мексика, Аустралия, Нидерланд, Хорватия, Франция, Алжир және Австрия құрамаларына гол соққан еді. Осы көрсеткіш бойынша аргентиналық Мирослав Клозе, Юрген Клинсман және Роналдодан озып кетті. Олар әлем чемпионаттарында он түрлі қарсыласқа ғана гол соққан.
Сонымен қатар, Месси әлем чемпионаттарындағы голдарының санын 19-ға жеткізіп, турнир тарихындағы абсолютті рекордын нығайтты. Аргентина құрамасы топтық кезеңді тоғыз ұпаймен бірінші орында аяқтап, плей-офф кезеңіне жолдама алды. 1/16 финалда аргентиналықтар Кабо-Верде құрамасымен кездеседі.
