ФИФА «Қызылжарға» трансферлік тыйым салды
Фото: Кызылжар
ФИФА петропавлдық «Қызылжар» клубына жаңа футболшыларды тіркеуге шектеу қойды, деп хабарлайды Pin-UpSport.kz Sports24.kz сайтына сілтеме жасап.
Халықаралық футбол федерациясының ресми порталындағы мәліметке сәйкес, қазақстандық клуб белгісіз мерзімге трансферлік бан алған. Шектеу санкцияға себеп болған мәселелер толық шешілгенге дейін күшінде болады.
Мұндай жазаға клубтың қазіргі немесе бұрынғы қызметкерлері мен футболшылар алдындағы қарыздары себеп болуы мүмкін екені айтылуда.
Әзірге «Қызылжар» клубы ФИФА шешіміне қатысты ресми мәлімдеме жасаған жоқ.
ҚПЛ-дың 11 турында петропавлдық команда турнир кестесінде 11-орында тұр. Команда үш жеңіс, үш тең нәтиже тіркеп, 12 ұпай жинаған.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
