Нұралы Әліп «Зенитпен» бірге төртінші рет Ресей чемпионы атанды
Қазақстан құрамасының қорғаушысы Нұралы Әліп өнер көрсететін Санкт-Петербургтің «Зенит» клубы Ресей Премьер-лигасының 2025/26 жылғы маусымының чемпионы атанды, деп хабарлайды Pin-UpSport.kz.
Чемпионаттың соңғы турында «Зенит» сырт алаңда «Ростовпен» кездесті. Санкт-Петербург клубы 1:0 есебімен жеңіске жетті. Матчтағы жалғыз голды пенальтиден Александр Соболев соқты.
Осы жеңістің арқасында «Зенит» 68 ұпай жинап, турнирлік кестедегі бірінші орнын сақтап қалды. Екінші орынды 66 ұпаймен «Краснодар» иеленсе, үздік үштікті мәскеулік «Локомотив» түйіндеді.
Бұл «Зенит» тарихындағы 11-чемпиондық болды. Клуб Ресей чемпионатындағы титул саны бойынша жаңа рекорд орнатып, мәскеулік «Спартакты» басып озды.
Нұралы Әліп «Зенит» сапында Ресей чемпионы атанып отырған төртінші маусымын өткізді. «Ростовқа» қарсы матчта қазақстандық қорғаушы 67-минутта алаңға шықты. Биылғы РПЛ маусымында 26 жастағы футболшы 16 матч өткізіп, бір гол соқты.
