Асхат Тағыберген жаңа туған ұлына Қайсар деп ат қойды
Фото: PA Images via Getty Images
«Тобыл» клубының жартылай қорғаушысы Асхат Тағыберген жарының босанып, ұлды болғанын және оған «Қайсар» деген ат берілгенін хабарлады, деп хабарлайды Pin-UpSport.kz. Футболшы бұл туралы Aman Vibe YouTube арнасына берген сұхбатында айтып, ат қою шешімі көп жылдан бері ойында жүргенін атап өтті.
Асхат Тағыберген – қызылордалық «Қайсар» клубының түлегі. Ол дәл осы командада кәсіби футболдағы алғашқы қадамын жасап, 2008 жылы негізгі құрамда дебют жасаған. Футболшы үшін туған қаласы мен алғашқы клубы әрқашан ерекше мәнге ие болған. Сондықтан да ұлына «Қайсар» деп ат қою оның жеке арманының орындалуы және кәсіби жолының бастауы болған клубқа деген құрметтің белгісі екені айтылды.
Сұхбат барысында жүргізуші футболшыдан бұл шешім «Қайсарға» ауысу туралы түрлі әңгімелерге себеп болмай ма деп сұрады. Асхат мұндай болжамдарды жоққа шығарып, ат қоюдың тек отбасы қажеттілігі мен жеке қалауы екенін түсіндірді. Ол отбасының ұзақ уақыт бойы тағы бір ұлды күтумен болғанын, өзі екі қыздың ағасы ретінде үйде жалғыз ер адам болып өскенін, сондықтан үлкен ұлы Ұлан да жалғыз болмас үшін бауыр керек екенін айтқан.
Асхат Тағыберген бүгінде төрт бала тәрбиелеп отырған әке және кәсіби мансабын «Тобыл» сапында жалғастырып келеді. Ұлына «Қайсар» есімін беру оның Кызылордамен және футболдағы алғашқы клубымен байланысының символына айналды.
