Лионель Месси Аргентина құрамасының жаттығуларына қайта қосылды
Фото: ESPN
Аргентина құрамасының капитаны Лионель Месси команда жаттығуларына қайта оралды, деп хабарлайды Pin-UpSport.kz ұлттық құраманың X-тегі ресми парақшасына сілтеме жасап.
38 жастағы шабуылшы қазан айындағы Венесуэла және Пуэрто-Рикоға қарсы жолдастық матчтарға шақырылған еді. Алайда Майамиде өткен алғашқы кездесуде (Аргентина 1:0 есебімен жеңіске жетті) алаңға шыққан жоқ. Бас бапкер Лионель Скалони оның матчтан шет қалуын «ағымдағы жағдайлармен» түсіндірді.
Аргентина футбол қауымдастығының мәлімдеуінше, Мессидің жаттығу процесіне қосылуы бапкерлік штабқа «ойынның негізгі тұстарын пысықтауға» және келесі матчқа тыңғылықты дайындалуға мүмкіндік береді.
Күтіліп отырғандай, Месси 14 пен 15 қазан аралығындағы түнде өтетін Пуэрто-Рикоға қарсы кездесуде алаңға шығуы мүмкін.
