«Қайрат» Чемпиондар лигасының алғашқы екі турында 20 миллион еуродан астам табыс тапты

Алматылық «Қайрат» Чемпиондар лигасының топтық кезеңіндегі алғашқы екі ойынын өткізіп, турнирдің қаржылық қорытындысын жасауға мүмкіндік алды, деп хабарлайды Pin-UpSport.kz.

Екі матчтағы жеңіліске қарамастан, клуб айтарлықтай табысқа қол жеткізді. УЕФА ережесіне сәйкес, топтық кезеңге жолдама алған әр командаға 15,64 миллион еуро көлемінде сыйақы төленеді. Бұған қоса, әр жеңіс үшін 2,1 миллион, ал тең нәтиже үшін 700 мың еуро бонус қарастырылған.

Осылайша, «Қайрат» қазірдің өзінде кем дегенде 20,25 миллион еуро (шамамен 13 миллиард теңге) табысқа ие болды. Бұл — негізгі сыйақы мен матчтарға қатысқан үшін төленетін қосымша төлемдердің жиынтығы.

Алайда алаңдағы көрсеткіштер әзірге көңіл көншітпейді: бірінші турда алматылықтар сырт алаңда лиссабондық «Спортингке» 1:4 есебімен, ал екінші ойында өз алаңында мадридтік «Реалға» 0:5 есебімен есе жіберді.