Қазақстан құрамасының тізгінін Михал Пробеж ұстайды
Қазақстан ұлттық құрамасының басшылығы поляк маман Михал Пробежбен келісімге келгені белгілі болды, деп хабарлайды Pin-UpSport.kz Moc Futbolu басылымына сілтеме жасап.
Ресми хабарлама жақын уақытта жарияланбақ, бірақ келісімшарттың егжей-тегжейі әзірге құпия сақталып отыр. Дереккөздің мәліметінше, тараптар келіссөздің соңғы кезеңіне жетіп, негізгі шарттар бойынша ортақ мәмілеге келген.
Михал Пробеж 2023–2025 жылдары Польша құрамасын баптаған. Оның жетекшілігімен команда Еуропа іріктеу кезеңдерінде сенімді ойын көрсетіп, үздік құрамалармен тең дәрежеде бақ сынады.
Бұған дейін Қазақстан құрамасын басқаруға үміткерлер қатарында 2017 жылы «Спартакпен» Ресей чемпионы атанған италиялық Массимо Каррера да аталған болатын. Кейін ол «АЕК» және «Барри» клубтарын жаттықтырған, бірақ ұзақ уақыт тұрақтамаған еді.
