Шыңғыс Есенаманов Ұлттық құрамадағы мансабын аяқтады
Сборная Казахстана по футзалу. Фого: FIFA via Getty Images
Қазақстан футзалының аңыз ойыншысы, «Семей» клубының және ұлттық құраманың шабуылшысы, 36 жастағы Шыңғыс Есенаманов маңызды мәлімдеме жасады, деп хабарлайды Pin-up sport.kz.
23 қыркүйек 2025 жылы Қазақстан құрамасы Италиядан жеңіліп, Еуро-2026 турниріне жолдама ала алмады.
«Өте ауыр матч болды, өкінішке қарай, жеңіліп қалдық. Әсіресе өз жанкүйерлеріміздің алдында мұндайды бастан кешіру қиын екен. Бұлай көптен бері ұтылмаған шығармыз. Бұл спорт қой: біреу жеңеді, біреу жеңіледі. Сәттілік бізден теріс айналды. Мен 16 жыл бойы ұлттық құрамада ойнадым, 20 жасымда алғаш шақырылдым. Әрине, оңай емес… Бірақ балалармен бірге ойнаған сәттер ерекше болды. Бұл – спорт, бұл – өмір. Көп жарақат алдым, соған қарамастан, әрдайым өзімді дәлелдеп келдім», – деді Шыңғыс Есенаманов Италиямен өткен ойыннан кейінгі сұхбатында.
Ол сонымен қатар құрамада жаңа буын өсіп келе жатқанын айтты. Ал өзі алдағы уақытта «Семей» клубында өнерін жалғастыратынын жеткізді.
