Фабио Каннаваро Қазақстан құрамасын баптауы мүмкін
Telegram-арна AmanVIBE мәліметінше, Қазақстан футбол құрамасының бас бапкерлігіне үміткерлер қатарында әйгілі италиялық қорғаушы Фабио Каннаваро да болған.
«Ювентус» пен «Реалдың» бұрынғы ойыншысы – тарихта «Алтын допты» алған жалғыз қорғаушы.
Дереккөзге сүйенсек, Каннаваромен нақты келіссөз жүргізілмеген. Тек оның қолжетімділігі мен талаптары сұралған. Итальяндық маман Қазақстан құрамасын басқаруға дайын екенін айтқанымен, жылына шамамен 2 миллиард теңге жалақы талап еткен.
Осыдан кейін бұл нұсқа қолайсыз деп танылып, келіссөз тоқтатылған. ҚФФ басқа үміткерлерді қарастыруды жалғастырып жатыр.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
