«Динамо» «Сочиді» ойсырата жеңіп, Зайнутдинов алаңға соңына қарай шықты
Фото: ФК Динамо
Мәскеудің «Динамосы» Ресей Кубогы аясындағы РПЛ Жолы кезеңінің 4-турында «Сочиді» 4:0 есебімен ұтып, айқын басымдық көрсетті, деп хабарлайды Pin-UpSport.kz.
«Фишт» стадионында өткен кездесуде қонақтар алғашқы таймда-ақ үш гол соқты: Эль-Мехди Маухуб (10-минут), Дмитрий Скопинцев (22) және Николас Маричаль (36). Екінші бөліктің басында Константин Тюкавин есепті түйіндеді. Қазақстандық жартылай қорғаушы Бақтиер Зайнутдинов ойынға 82-минутта қосылды.
Төрт турдан кейін В тобының турнирлік кестесі мынадай: «Краснодар» — 9 ұпай, «Динамо» — 7, «Крылья Советов» — 6, «Сочи» — 2.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
