Нойер Чемпиондар лигасындағы 100-жеңісіне жетіп, «Баварияның» рекордын жаңартты
FC Bayern
Мюнхендік «Баварияның» қақпашысы Мануэль Нойер Чемпиондар лигасында тарихи белесті бағындырды, деп хабарлайды Pin-UpSport.kz.
«Челсиге» қарсы өткен алғашқы тур ойыны 39 жастағы қақпашының басты еурокубоктағы 100-жеңісі болды. Осы нәтижемен ол тарихтағы төртінші ойыншы атанды. Алдыңғы орындарда Криштиану Роналду (115), Томас Мюллер (110) және Икер Касильяс (101).
Сонымен қатар, Нойер «Бавария» тарихындағы ең жасы үлкен футболшы ретінде рекорд орнатты. Бұған дейінгі көрсеткіш 1999/2000 маусымында 38 жас 353 күнінде алаңға шыққан Лотар Маттеуске тиесілі еді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
