Андрей Карпович Қазақстан құрамасының уақытша бас бапкері атанды
Андрей Карпович. Фото: kazfootball.kz
«Елімайдың» бас бапкері Андрей Карпович Қазақстан ұлттық құрамасын уақытша жаттықтырады, деп хабарлайды Pin-UpSport.kz AmanVIBE арнасына сілтеме жасап.
Карпович жаңа шетелдік маман табылғанға дейін құрама тізгінін ұстайды. Ол бұған дейін де ұлттық командада бас бапкердің міндетін атқарған еді.
Клуб деңгейінде Карпович «Ақтөбемен» 2022 және 2023 жылдары ҚПЛ-дың күміс және қола жүлдегері атанды. Ал қазір оның «Елімайы» ҚПЛ-2025 маусымында бесінші орында келеді.
Еске салайық, Әли Әлиевтің жетекшілігімен Қазақстан құрамасы 2026 жылғы әлем чемпионатының іріктеуінде небәрі бір жеңіске жетіп, бес ойында жеңілді. Бельгиядан 0:6 есебімен ұтылғаннан кейін Әлиев қызметінен кетті.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
